ДУШАНБЕ, 14.01.2020 /АМИТ «Ховар»/. 13 январ дар Душанбе Вазири корҳои хориҷии Ҷумҳурии Тоҷикистон Сироҷиддин Муҳриддин Фиристодаи махсуси Ҳукумати Ҳиндустон Бирендер Сингх Дханоаро ба ҳузур пазируфт.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар рафти суҳбат ҷонибҳо перомуни ҳолати кунунӣ ва дурнамои ҳамкориҳо байни Тоҷикистон ва Ҳиндустон табодули назар карданд.
Фиристодаи махсуси Ҳукумати Ҳиндустон паёми хаттии Сарвазири кишварашро ба унвони Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон супорид.
Акс аз ВКХ ҶТ