ДУШАНБЕ, 03.05.2018 /АМИТ «Ховар»/. 3 майи соли 2018 дар ҳошияи Конфронси байналмилалии сатҳи баланд «Муқовимат бо терроризм ва ифротгароии хушунатомез» Вазири корҳои хориҷии Ҷумҳурии Тоҷикистон Сироҷидин Аслов бо Муовини Дабири Кулли СММ, Мудири Дафтари зиддитеррористии СММ Владимир Воронков мулоқот анҷом дод. Дар ин бора аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд.
Зимни мулоқот ҷонибҳо масъалаҳои мубрами ҳамкории Тоҷикистонро бо сохторҳои зиддитеррористии СММ ва дурнамои рушди иқдомҳои муштарак ва ҳамоҳангшударо дар самти мубориза бо таҳдиду чолишҳои амниятӣ мавриди баррасӣ қарор доданд.